Mishon & Vishon

Kuido personal i aksesibel pa tur hende na Boneiru; kaminda e hende ta para sentral i no e malesa. Esaki ta loke Bonaire Medisch Centrum ta para p’e. Bon kuido di salú ta importante pa tur hende i e tim di Bonaire Medisch Centrum ta kere ku nan por kontribuí na esaki pa medio di traha den un tim profeshonal sólido i pa medio di ofresé un pakete amplio di kuido, ku enfoke riba loke nos poblashon boneriano tin mester, ku atenshon pa e persona.

Nos ta un ofisina di dòkter pa tur hende; hende ku ta biba na Boneiru i hende ku ta di bishita na nos isla. Nos pashèntnan ta haña kuido personal; nos ta sòru pa un tim fiho ku ta yuda bo den nos ofisina di dòkter, di manera ku abo konosé bo ofisina di dòkter bon i e ofisina di dòkter konosé abo bon.

Bonaire Medisch Centrum ke brinda kuido duradero pa futuro; esaki ta nifiká kuido segun e kriterionan mas resien. Nos ta hasi esaki pa medio di sigui minusiosamente e desaroyonan i inovashonnan den e panorama di kuido. Nos ta mira komo nos tarea pa sinkronisá nos dunamentu di kuido ku nesesidat di kada pashènt individual ku un énfasis fuerte riba prevenshon di malesa i redukshon di riesgo pa malesa. Nos ta invertí den programanan di prevenshon ku ta sinkronisá ku nesesidat i kuadronan patológiko di poblashon di Boneiru.

Nos ta kere den un kuido primario fuertemente integrá i pa e motibu akí nos por ofresé un pakete amplio di kuido di balor kualitativamente haltu den un tim profeshonal huntu ku otro dunadónan di ayudo; por ehèmpel enfermera(o)nan spesialisá, fisioterapia i kuido na kas. Dentro di e kolaborashon akí nos por ofresé un pakete amplio di kuido, manera ora di konsulta kirúrgiko, kuido di herida, kuido paliativo, kuido di diabétis, kuido sikológiko etc. Pa medio di un kolaborashon estrecho ku nos partnernan di kadena, manera e spesialistanan médiko, nos ta ofresé bo e kuido ku ta pas mas mihó serka bo.