Informashon di ofisina BMC

Aktualmente kuater dòkter trahando na e ofisina di dòkter BMC, es ta dòkter J.I. Schräder, dòkter I. Stokman, dòkter S. Wolzak i dòkter C.A. Croese. Tur e kuater dòkternan di kas aki ta registrá den e registro di BIG.

Na e ofisina di dòkter aki tin kuater asistènt: Merry, Yhouri, Niovis i Xaviera. Serka nan bo por bai pa traha òf kambia un sita, pero tambe pa pidi repitishon di resèpt. Ademas nos asistèntnan ta di trein pa ehersé algun tratamentu médiko, por ehèmpel kue preshon di sanger i/o kontrolá nivel di suku, hasi tèst di urina, inkluso tèst di embaraso, spùit orea ku ta verstòp, tratamentu di herida i pone verbant, hasi kardiografia (ECG) i duna asistensia durante intervenshonnan kirúrgiko chikitu.

Resèpt

Via e asistèntnan bo por pidi ripitishon di resèpt. Esaki bo por hasie door di hasi e petishon telefonikamente riba e lina di resept. Esaki ta hasie door di jama 715 3000 i skohe pa opshon 2. Of por hasi e petishon na balie. Den kaso ku hasi petishon di e resèpt promé ku 12'or di mèrdia, bo por busk'é e mesun dia na ofisina despues di 3'or di atardi. Si hasi petishon despues di 12'or, bo por pasa buska e resèpt e dia siguiente na ofisina.

Habitantenan bibá temporalmente i turistanan

Habitantenan temporal i turistanan tambe ta bon biní na nos ofisina di dòkter. Na momentu ku bo bini pa promé biaha, nos lo pidi bo un identifikashon. Pa motibu ku bo no ta inskribí komo habitante, bo tin ku paga e gastunan di e konsulta serka e asistènt na final di e konsulta. Den kaso ku bo ta bai keda pa un periodo mas largu na Boneiru, pero bo no ta inskribí, bo ta paga un tarifa redusí.

Bo por deklará e gastunan di e konsulta na e kompania di seguro médiko, kaminda bo ta afiliá, dor di mustra nan e faktura. Na momentu ku bo wòrdu detashá for di Hulanda i bo ta sigurá via Unive, nos ta deklará e gastunan di bo konsulta. Loke si nos ta pidi ta un prueba di e seguro.