Bo tin un keho tokante nos ofisina?

Na nos ofisina nos t’ei pa bo i pa yuda bo mas mihó posibel ku bo kehonan di salú. Nos lo apresiá hopi si, den kaso ku bo no ta satisfecho ku nos, bo laga nos sa esaki.

Si despues ku bo a ekspresá bo keho na e dòkter di kas òf e asistente kos no a bai na bo satisfakshon, bo por entregá un keho formal.

Bo por hasi esaki pa medio di yena e Formulario di Keho i entregá esaki. E ora ei nos funshonario di keho ta tuma e keho den tratamentu.

Dentro di 2 dia di trabou e funshonario di keho ta tuma kontakto ku bo. Despues di esei e por yama bo si bo keho no ta kompletamente klarito ainda. Nos aspirashon ta pa dentro di pa mas tardá un luna tuma bo keho den tratamentu i finalisá esaki.